أصل الأماني .. هديل داود

كفوف ما بتساع

جوّا الأماني ملح

الصبر وصلاه

صّوات وعجقات

حكايا وناس

بدون إسم إ

مْ عم تخبز حلمْ

رشقات بوسات

من زيت وزعتر

وجع عم يكبر

وسّبحات منْ نور بتلمنا

بتحوّشنا للصبح

للحبر قصايد

بتحمل صبر

عايشة عَ القهر

وعّ وقتا وعَ أوّل دربْ

خيبات حب وعناوين

غلط لصحابْ..

كل الأسامي ال انحكتْ

وال ما انحكتْ

وخرستْ أصوات بكّير

ولهلأ ما إجا وقتا

بضوّ الرّوح سكنتْ

لتروح سكاكين الغدر

وتمرق بالعتم

وعيونا ما تشوفا

وتغفى بغنية

بعيون سهرتا

شي دهر

غفيتْ بقدر السكوتْ

تعشق وطايرة

ساكتة وساكنة

متل حمامات

عَ سطوح لبيوت

المزيد من اعمالها