جريدة وإذاعة سقيفة المواسم الثقافية ثقافية ، اجتماعية ، فنية
أغنية
عَلِّ راسك لا تنهمّي
شعر : نصير أحمد الريماوي
21/5/2013م
عَلِّ راسك لا تنهمّي
حبك يا فلسطين بدمي
لا السِّجن ولا قضبانه
ولا عذابي بليلي وألمي
روح الثورة ما بيطفيها
فينا وهالنار نعليها
حتى النصر يدق أبوابك
ويرجع لك مجدك وشبابك
عَلِّ راسك لا تنهمّي
حبك يا فلسطين بدمي
**********
لفلسطين نضحي وما نبخل
ونحميها وما نهاب المُحتل
لو داسوني تحت الخيل
وجلدوا جسمي نهار وليل
وحرموني من طعم النوم
ولا يمكن أتنازل يوم
عن حبي لأرضي ولشعبي
وعن إيماني بديني وربي
عَلِّ راسك لا تنهمي
حبك يا فلسطين بدمي
*********
منعوا عني الزاد والمي
وحجبوا عني نور الشَّمس
ما عرفت نهاري من أمس
لأن صمودي بيرهبهم
وصوت الحق بيرعبهم
ضربوني لكن ما أهتم
لو سال من عروقي الدم
ومرة سباب ومرة شتم
في البرد القارس رموني
وبلا ملابس تركوني
عَلِّ راسك لا تنهمي
حبك يا فلسطين بدمي
***********
عذبوني ليل نهار
وعن وعيي غيَّبت مرار
و صبُّوا ثلج كثير بِحَيْل
على جسمي بنهار وليل
من البرد أنا ذقت الويل
ومن حولي كلاب إسرائيل
بيستنوا حتى ينهار
جسمي وتولع فيي النار
عَلِّ راسك لا تنهمي
حبك يا فلسطين بدمي
**********
أنا صامد مثل الإعصار
في وجه عدوي الجبار
حالِف رأسي ما أحنيه
أو أفشي سِرّ مخبيه
اتهموني زور وبهتان
ما خفت وعزمي ما هان
عَلِّ راسك لا تنهمي
حبك يا فلسطين بدمي
**********
مهما حجبوا عني النور
وبالزنزانة حبسوني شهور
ما بيفتر فينا هالحب
لفلسطين اللي محييها الرَّب
علا ياسر* صوته وقال:
ما بستسلم ولا في البال
أتخلى عن أرضي ولا فيي
تا يطلع فجرالحرية
* ياسر: هو الأسير الشهيد ياسر جرادات.
