بعد إذنك- الدكتور منور الغراغير

بعد إذنك…
بس من وقتك حبيبي لو ثواني…
لجل إنك…
تغرف الشهقات من جرح المعاني…
وترشف اللوعات من صرخة أنيني
وتحتوي الدمعة الحزينة
وتحتريها وسط عيني
وتحتويني
وتغرق ابدمعي وتسافر في حنيني
وتحكم المجذاف والموج والسفينة
وتعرف انها عذبتني
وعاندت شوق الرواسي والشواطي والمواني…
وعاندتني…
بعد إذنك…
بعد إذنك؟
شوف ذاك المنحني خلف الزمن
خلف ماظي من المواجع
خلف حاظر به يلاوع
وجسمه الذابل مع الآهات يصارع
ينتظر لو يرتوي بقطرة ندى بحبة مطر
والكفوف الذابلة رجوى ظماها من الوهن
رشفة سحايب سايرة
ومزنتن تشفق عليه بين المزن
وشوف كيف الشيب بين الذكريات
يسرق اللحظة من العمر الشتات
والتجاعيد البريئة كيف تاخذه وتجيبه
بين حسرة وبين غصات الشجن….
بعد إذنك…
بعد إذنك:
وقتك اللاهي على جروحي وأنيني ما سمح لي؟!
من ثوانيك البخيلة بس لحظة ما يحق لي؟!
رغمها مرت على الموعد سنين
شوفها كيف
قهوتك تنطر معي
بين شوقي ولهفتي
وبين رمشي مدمعي
ما غفى فنجانها…
وذيك وردة حاورت شرفة غلاك
ونور شمعة غازلت شعلة لقاك
وبوح لوعة سايرت ممشى خطاك
شوفتك عنوانها
كل ذاك العمر ما جاك
هاجسي طيفه يزورك…!!!
وللا غيري كثرهم ما
عاد يرظي بك غرورك
أدري انك
ساحرن كل من يشوفك
من مجرد طرف رمشك
ومن حلاك ومن شذى مرهف حظورك
معجبين ومغرمين وهايمين
مفعمين ومرغمين وطايعين
تحت أمرك طوع شورك
وما بعد يرظي غرورك…!!!
كيف كل هذا الزحام تعوف لجلي
وصرت آخر أولوية لو بقى شي من شعور…؟!!!
وكيف تقوى من بعدهم تنتبه لي…؟!!!
بس تدري يا حبيبي…
حب هذا الكون كله
ذرة من حبك بقلبي
ويشهد الله
ولو بقى بعمري بقية…
أشهد اني:
ع الأمل يبقى رجاي…
احتري طيفك مناي…
واكتفي بك يا غلاي…
ولو تغيب العمر كله عن مداي
وفجأة ترجع
غير تسمع لهفتي وردة صداي:
بعد إذنك….

المزيد من اعماله