ام رويع .. اسماء سمور

ام رويع .. حدى عمره شافها او تعرف عليها !او التقى بيها .. هاي شخصية اثرية بتعمل من الحبة قبة.. و كلشي بتعمله هيصة و زمبليطة .. و كلشي بتعمله هجة و رجة … و بتدشع فارعة دارعة يمة في حرامية بذيال الدار .. بتطلع الام تشوف شو القصة .. و الا هي بتلاقي بسة نطت عن السور اجت ع كومة قش .. بتسمع صوت اشي انكسر .. بتقول يمة اتهيل البوفيه .. بتروح الام تشوف شو القصة بتلاقي انو وقعت كاسة ع الارض و انكسرت ….
ام رويع بيجي ابنها بعيط ..مفشوخ من ولد اتقاتل معه بتروح لجوزها بتعمل البحر مقاثي و بتصير طوشة كبيرة بالبلد .. ام رويع بتسمع صوت العاب نارية بعرس .. بتروح بتقول مات العريس بهجموا الناس ع بعض و بتصير مذبحة .. ام رويع بتحط السمن ع النار و بتقول ولا جرى و لا صار .. ام رويع بتطحن المية .. و بتطيش ع شبر مية …
….
استهواني الحديث و بعتقد اني ظلمتها لام رويع شوية😃…بس الصراحة .. الدودة اجلكم الله .. عند ام رويع بتصير حية 😁