جريدة وإذاعة سقيفة المواسم الثقافية ثقافية ، اجتماعية ، فنية
دبرها يا مستر بيل – نوح إبراهيم
باللهجة الحيفاوية:
يا حضرة القائد(دل) *** لا تظن الأمة بتمل
لكن أنت سايرها *** يمكن على يدك بتحل
ما دمت رجل خبير*** وقائد عسكري خطير
وقضيتنا كلها فهمتها*** ما بلزم إلك تفسير
فهّم لندن باللي صار*** واللي بعدو راح يصير
العرب أمة أحرار *** صداقتها لازمتكو كتير
دبرها يا مستر (دل)*** يمكن على يدك بتحل
إن كنت عاوز يا جنرال *** بالقوة تغير هالحال
لازم تعتقد أكيد *** طلبك صعب من المحال
لكن خدها بالحكمه *** وأعطينا الثمن يا خال
ونفّذ شروط الأمه *** من حرية واستقلال
دبرها يا مستر (دل) *** يمكن على يدك بتحل
جيت فلسطين الحره *** حتى تقمع الثوره
ولما درست الحاله *** لقيت المسألة خطره
بدنا تفهم بريطانيه *** حتى تكفينا شرها
وتصافى الامه العربيه *** بمنع البيع والهجره
ودبّرها يا مستر (دل) *** يمكن على يدك بتحل
ما دمت صاحب السلطه *** حل هالمشكل وهالورطة
ومد يدك صافحنا*** ما تخلى ولا أورطة
ونفّذ وعود الشرف*** حتى نمحي هالغلطة
للدولة هدا أشرف*** وأحسن مشروع وخطه
دبرها يا مستر (دل)*** يمكن على يدك بتحل
دبرها يا مستر بيل – نوح إبراهيم
