جريدة وإذاعة سقيفة المواسم الثقافية ثقافية ، اجتماعية ، فنية
إيدك يا جندي عن الزنا/دي
إسمع يا جندي
هي ارض جدادي
نحنا تعلمنا نكيد الأعادي
هايك تربينا من الطفولي.
(٢)
عندك يا جندي زحف الدبابي
تدوس بجنزيرا وردات حبابي
بكرا بنطلعلك فوء السحابي
ومنا رح تعرف معنى البطولي.
(٣)
أرضي يا جندي بدمي مجبولي
من عند البحر لشط الحولي
هيدا التاريخ بيكتب أصولي
“منم” الرشراش العند العفولي.
(٤)
شعبي بناضل “لجل” الحريي
مطالب شعبي “كلا” شرعيي
” بنا ” استقلال ودوله وهويي
من عند الأقصى لعند الميي.
(٥)
إيدك يا جندي عن الزناد/ ي
إسمع يا جندي
هي أرض جدادي
نحنا تعلمنا نكيد الأعادي
هايك تربينا من الطفولي.
………………………..
ماجده الريماوي
٢٧-٢-٢٠٢٣
