جريدة وإذاعة سقيفة المواسم الثقافية ثقافية ، اجتماعية ، فنية
مسيحي في حاره lلمسلمين – ريما نايف حماتي
لما يكون بيتك .الوحيد مسيحي في حاره كلها اسلام يا عمي ما حدى قدك ، اه ما حدى قدي بدللوك ..دلال غير شكل.
خالتي يا ريما الله يرضا عليك خدي العيديه ..وانا أشد..أشد واحلف مليون مره وغصب عني تدحش المصاري في جيبتي ..
اه لما يكون بيتك المسيحي الوحيد في حاره كلها اسلام ..بحبوك اكتر ..بهتمو فيك ..وبدللوك. دلال جد جدك ما شافه ..
اه …بتدلل بعايدوك مثلك متل اولادهم .اذا مو اكتر .بعبو جيبك شوكلاتات.وملبس ونوجات ..وكعك .بحبوك .متلك متل اولادهم ..وعشان يحسسوك انك مو مختلف بزيدو العيار حبتين ..يا خالتي ام بسام خلص كتير هيك ..لا معليش..اكمشي من المضيفه و عبي الجيبه التانيه ..بتروح بيتك وانت حامل نص العلبه .
مسيحيه.ديانتي اه بس لويش الكذب كنت احب عيد الفطر وعيد الأضحى اكتر من عيدنا..احب عجقته من اولاد حارتي
حارتنا بتصير…عجقه طوارئ ..الصحون بتلف من بيت لبيت ..السدوره وفرن ابو علي …ما بلحق
يلا …يلا …احملو سدر الكعك وركض لابو علي افرح وانا شايفه امي نفشت حالها ..الكل يسالها عن المعايير .وام الطل .لا كاستين سميد في كاسيه ميه دافيه ..ام الطل رهيبه في الكعك ..معلمه شيخه …اشوفها تتعب معهم ..بس تعب محبه تعب فرح اشوف ايدين ام الطل وهي تبس الكعكات تقولو شيف الحاره
لا يا ام حسن خلي دور كعكاتك الخميس .ودور .ام محمد بكره وام بسام اليوم ..بس يا ام طلال بسيت السميد وجبت العجوه وحضرتها
معليش معليش خلي السميد يرتاح بصير احسن
نقعد حوليهم….صوت ضحكنا ..هوشنا بعده لهلا في اذاني ..وك بدي ابكي ..بحب عيدكم اه اكتر من عيدي ..ربيت عليه ..وعيت عليه 
انا بدي انقش ..إنا ..انا ..دوري..لا دوري انا ..نطاوش في حب ..خوان كلنا ما فرقنا عن بعض اعطيني انقش
انا بدي انقش ..إنا ..انا ..دوري..لا دوري انا ..نطاوش في حب ..خوان كلنا ما فرقنا عن بعض اعطيني انقشلا نقشتك كبيره ..خربت الكعكه
مين قال مسيحي مسلم لاااااااااا ما تحكو هيك عن حارتي كل بيوت حارتي دافيه كلها بيوتي ..ياما بسطت بينهم واكلت بينهم وسهرت معهم
نفرح لبعض
نبكي لبعض
حتى هوشات اولاد حارتي متل غلوه القهوه ..بتفور وترجع لحظتها..هبله تررررروق
يا الله يا سوسن تعالي نسحب بلون ..اه كان أحمد ابن ام محمد ابصر وين أراضيه عمره قدي خلقنا نفس الاسبوع يشتري سحبه البلالين ونشتري منه ..وما حدى يربح اكبر بلون ..كان بذكر رقم ١٠ .اخمد يخليه حتى لو حدى ربحه كرمال نظل نسحب منه ….يوم عيد الفطر في حارتي .عيدي اكتر منهم ..فرحتي اكبر منهم ..اطلع اعيد مع بنات حارتي ..ايدي في ايد كل وحده ويتهاوشو.ايدي في ايد .مين اه يحبوني كتير و.العب معهم .
ياااااااا اللله..خدو نص عمري وارجع اعيش هيك ذكريات .تاني يوم اسمع ابوي يقول
يلا..يا ام طلال نروح نعيد جيرانا
كانو بيت ام ادهم ..ام حسن ام إبراهيم..ام شادي .ام بسام .ام محمد ..ام درويش .بييييييوت كل رسمه ابوابها جواي ..لونهم ..قعده صالونهم ..مضيفتهم. كنت اكيف واتضيف اكتر من مره
صوتنا ..ضحكنا …قلوبنا …
ريحه العيد وأجواء العيد بتعديك
يما ..يما صحيني الصبح بدي اروح انا وفردوس..نلعب على المراجيح اه كان عند شارع السعاده ولد اسمه محمود قد الصوص .بس جدع يركبنا في قرشين ويدزنا فيهم عشر مرات يا محمود يا اخوي كمان دزه ..علي الدزه ..ومحمود يدز في أعلى ما عنده
مين يروح السينما معي.يحضر الفلم الهندي وفلم كراتيه اه كانو يحطو فلمين وتلاته ونروح كلنا سوى .كان علاء ياخدنا كلنا ويدفع عنا كلنا
سينما فلسطين ..
وااااااااااو .عيد الفطر ببيكيني بشتاق لحارتي ..لجاراتي .
لأولاد حارتي ..صوت المؤذن ..الركض ..القطايف ..بروحو الحج .بجيبولك ميه..وك شووكل بيت مسلم في حارتك بدخل عليك عيديه صحن كعك
صحن غريبه
كلاج…
مشان الله بديش اكمل ..بديش اكتب ..بديش اقول كل عام وبس وانتو في خير
بدي اقول كل لحظه وكل ثانيه وبلدنا وانتو واحنا وكلنا وكل حاراتنا
ملانه حب
ملانه عيد
كل سنه وانتو اهلي
مسيحي في حاره lلمسلمين – ريما نايف حماتي
